Trysorau Cudd Caernarfon

Disgrifiad | Description

Trysorau Cudd Caernarfon
ISBN: 9781845276577
Angharad Price
Darluniwyd gan Richard Outram
Cyhoeddi Mehefin 2018
Fformat: Clawr Caled, 140x216 mm

Dewch am dro i Gaernarfon... i'r Oval i glywed cân y Caneris i ben Twthill i ryfeddu at banorama mynydd a môr i Gei Porth yr Aur, noddfa'r ymylon. Tref ei phobol ydi Caernarfon Angharad Price - tref fywiog, liwgar, herfeiddiol ac yn yr ysgrifau celfydd hyn cewch gip ar y llecynnau bach yno sy'n werth eu trysori.

Bywgraffiad Awdur: Mae Angharad Price yn academydd a nofelydd sy’n byw yng Nghaernarfon gyda’i theulu. Enillodd y Fedal Ryddiaith yn 2002 gydag O! Tyn y Gorchudd. Cafodd dwy gyfrol arall o’i gwaith, y nofel Caersaint a Ffarwél i Freiburg: Crwydriadau Cynnar T.H. Parry-Williams, eu cynnwys ar restr fer Llyfr y Flwyddyn yn 2011 a 2014. Yn dilyn llwyddiant ei drama Nansi, enillodd wobr Dramodydd y Flwyddyn yng Ngwobrau Theatr Cymru y llynedd.

Rai blynyddoedd yn ôl, ysgrifennodd ddarnau byrion am Gaernarfon i Papur Dre, a datblygiad o’r colofnau hynny yw’r gyfrol hon.

Ffotograffydd llawrydd yw Richard Outram, yn arbenigo mewn tirluniau. Mae’n arwain cyrsiau ffotograffiaeth, ac wedi gweithio ledled y byd. Caernarfon yw ei gartref bellach er mai un o Fangor ydyw.