Gwilym Roberts - Dros Ysgwydd y Blynyddoedd

Mae Gwilym Roberts yn perthyn i ganrif y deffroad o safbwynt y Gymraeg lle gwelwyd awydd i fyw mewn Cymru go iawn. Bu dylanwad ei rieni yn drwm arno ac oherwydd eu hymroddiad a’u parodrwydd i gwffio er mwyn i’w meibion gael gwersi Cymraeg yn yr ysgol, rhoddwyd ynddo yntau’r rhuddin i weithio dros y Gymraeg ar hyd ei oes.
Yn y llyfr hwn cawn ei hanes personol, ond yn enwedig, hanes ei waith dros y Gymraeg yn ardal Rhiwbeina ac yng Nghaerdydd yn ehangach. Roedd awydd ynddo i weld Caerdydd yn brifddinas deilwng i Gymru, a bu’n rhan allweddol o sefydlu a hybu sawl cymdeithas a gyfrannodd tuag at hynny. Bu’n rhan annatod o gefnogi ac annog pobl o bob oed i ddysgu’r iaith, a chafodd y pleser o weld sawl un o’r rheini’n datblygu i fod yn arweinwyr cymdeithas.
Dyma hanes unigolyn a wnaeth gyfraniad tawel ond sylweddol i Gymru heddiw.