This store requires javascript to be enabled for some features to work correctly.
Y bardd a'r cyfansoddwr o Flaenau Ffestiniog yn olrhain rhai o brofiadau ei fywyd ochr yn ochr â chyflwyno detholiad nodedig o'i ganeuon, eu harwyddocâd iddo yn bersonol, eu cefndir a rhai straeon ysgafn ynglŷn â'u perfformio.
Gwybodaeth Bellach:
Chafodd Gai Toms erioed wersi canu na gwersi gitâr, ond mae ei gyfraniad i'r sin gerddoriaeth Gymraeg ers y 1990au yn syfrdanol. Fel canwr-gyfansoddwr, mae ei gerddoriaeth yn amrywio o roc a ska i arddulliau gwerin ac amgen, a'i eiriau yr un mor bwysig â'i alawon, yn llawn ystyr a myfyrdod, a'i ymrwymiad i themâu cynaliadwyedd, cymuned, a'n lle fel Cymry yn y byd.
Cawn ei hanes yma drwy ganeuon sy'n bwysig iddo: ei fagwraeth yn Nhanygrisiau, ei ddyddiau coleg, ei daith gerddorol gyda'r grwpiau Anweledig a Brython Shag, ac yn unigol dan yr enw Mim Twm Llai a'i enw ei hun. Aeth ambell gân a'i fryd wrth iddo dreulio cyfnodau'n cefnogi ac yn cyfrannu at lwyddiant bandiau eraill hefyd.
Wrth fyfyrio ar y profiadau sydd wedi llywio'i daith, mae'n rhannu'r teimladau a'r weledigaeth sy'n gefndir i rai o'i ganeuon mwyaf adnabyddus, ac os crafwch o dan wyneb y caneuon hynny cewch gipolwg ar ei fywyd.
Yn 2024, derbyniodd Gai Toms wobr gan gylchgrawn Y Selar am gyfraniad arbennig i gerddoriaeth Cymraeg.
Cawn ei hanes yma drwy ganeuon sy'n bwysig iddo: ei fagwraeth yn Nhanygrisiau, ei ddyddiau coleg, ei daith gerddorol gyda'r grwpiau Anweledig a Brython Shag, ac yn unigol dan yr enw Mim Twm Llai a'i enw ei hun. Aeth ambell gân a'i fryd wrth iddo dreulio cyfnodau'n cefnogi ac yn cyfrannu at lwyddiant bandiau eraill hefyd.
Wrth fyfyrio ar y profiadau sydd wedi llywio'i daith, mae'n rhannu'r teimladau a'r weledigaeth sy'n gefndir i rai o'i ganeuon mwyaf adnabyddus, ac os crafwch o dan wyneb y caneuon hynny cewch gipolwg ar ei fywyd.
Yn 2024, derbyniodd Gai Toms wobr gan gylchgrawn Y Selar am gyfraniad arbennig i gerddoriaeth Cymraeg.
- ISBN: 9781845279660
- Cyhoeddi: Mehefin 2025
- Fformat: Clawr Meddal, 198x128 mm, 130 tudalen