Mae un o gyfarwyddwyr Gwasg Carreg Gwalch yn ymuno gydag aelodau eraill o Gyhoeddwyr Cymru o flaen Pwyllgor Diwylliant Senedd Cymru y pnawn yma. Bydd yn gyfle i’r gweisg ddarlunio effaith toriadau o 25% sydd wedi bod yng nghyllideb a nifer y llyfrau sy’n cael eu cyhoeddi yng Nghymru ers Ebrill eleni.
Yn y cyfarfod, bydd gan y cyhoeddwyr gyfle i esbonio effaith y toriadau ar arian cyhoeddi ar lythrennedd ac addysg plant, gan argymell meysydd lle y gall Llywodraeth Cymru weithredu ar fyrder i unioni’r toriadau, sydd wedi dod ar ben cyfnod o lymder sy’n ymestyn yn ôl i 2010.
Mae ymgyrch daer wedi bod gennym ym maes llythrennedd plant ers mis Mawrth – ac mae’n adeg da i’r ffeithiau hyn weld golau dydd yn y wasg.